Давлат раҳбарлари яқинлашиб келаётган Рамазон ҳайити ва Наврўз байрами муносабати билан бир-бирларини табриклади. Томонлар Яқин Шарқ ва Жанубий Осиёда юзага келаётган вазият юзасидан ҳам фикр алмашдилар.
Ўзбекистон – Озарбайжон дўстлик ва иттифоқчилик муносабатларини янада кенгайтириш ҳамда мустаҳкамлашнинг долзарб масалалари ҳам муҳокама қилинди.
Озарбайжон Президенти Илҳом Алиев Ўзбекистон Президенти Шавкат Мирзиёевнинг давлат бошқарувидаги донолиги, кенг кўламли ислоҳотлари ва минтақавий ҳамкорликни мустаҳкамлашдаги улкан ҳиссасини юксак баҳолади. У, шунингдек, Тошкентда барпо этилган Ислом цивилизацияси марказини бутун ислом оламининг фахри сифатида эътироф этди.
